Nýr framkvæmdastjóri Framtíðarinnar
Vala Halldórsdóttir, hefur starfað í hugbúnaðar- og nýsköpunargeiranum síðasta áratug.
Hér má finna yfirlit yfir það helsta sem hefur dregið á daga Framtíðarinnar.
Framtíðin óskar viðskiptavinum sínum gleðilegra jóla og þakkar fyrir árið sem nú er að líða.
Opnunartímar verða eftirfarandi:
Aðfangadagur: Lokað
Jóladagur: Lokað
Annar í jólum: Lokað
27. desember: Opið
30. desember: Opið
Gamlársdagur: Lokað
Nýársdagur: Lokað
Áhersla í framhaldinu á viðbótarhúsnæðislán og brúarlán.
Framtíðin lánasjóður hefur hætt að bjóða námslán og almenn lán til viðskiptavina. Frá árinu 2015 höfum við hjálpað hundruðum námsmanna að fjármagna nám sitt á Íslandi og í útlöndum. Fyrir það erum við stolt og þökkum frábærar móttökur. Framvegis ætlum við að einbeita okkur að veitingu fasteignalána, þ.e. viðbótarhúsnæðislána og brúarlána.
Breytilegir óverðtryggðir grunnvextir Framtíðarinnar taka breytingum.
Framtíðin gerði í fyrra samkomulag við breska sendiráðið um að fjármagna í tvö ár Chevening styrki fyrir íslenska námsmenn til meistaranáms í Bretlandi. Chevening námsstyrkir eru fjármagnaðir af breska utanríkisráðuneytinu og samstarfsaðilum og eru virtustu námsstyrkir sem breska ríkið veitir íslenskum námsmönnum. Meðal markmiða með veitingu styrkjanna er að styðja leiðtoga framtíðarinnar sem geta mótað innlend jafnt sem alþjóðleg málefni með því að byggja á reynslu sinni og nánu sambandi við Bretland.
Vala Halldórsdóttir, hefur starfað í hugbúnaðar- og nýsköpunargeiranum síðasta áratug.
Viðtal úr Fyrsta heimilið, fylgiriti Fréttablaðsins, þann 16. júní 2017
Framtíðin er lánafyrirtæki sem var stofnað með það að markmiði að bjóða upp á nýjar vörur á íslenskum lánamarkaði sem einfalt og þægilegt er að nálgast. Fyrirtækið býður upp á námslán, húsnæðislán og almenn lán.
„Við byrjuðum að veita námslán árið 2015 en nýlega víkkuðum við starfsemina út og fórum að veita húsnæðislán ásamt almennum lánum til ýmissa nota,“ segir framkvæmdastjórinn Hrólfur Andri Tómasson. „Við leggjum okkur fram við að veita framúrskarandi þjónustu og samkeppnishæf kjör.“
Viðtal úr Frumkvöðlum, fylgiriti Viðskiptablaðsins, þann 1. júní 2017
Lánasjóðurinn Framtíðin er nútímalegt fjármálafyrirtæki sem starfar á íslenskum lánamarkaði. Fyrirtækið hefur frá árinu 2015 boðið upp á námslán, en á þessu ári bættust húsnæðislán og almenn lán við vöruframboð fyrirtækisins. Vextir Framtíðarinnar eru sérsniðnir að aðstæðum lántaka og fyrirtækið starfar eingöngu á netinu. Stefnt er að því að útvíkka starfsemina á komandi misserum.
„Við bjóðum upp á nýjar vörur fyrir neytendur á íslenskum lánamarkaði,“ segir Hrólfur Andri Tómasson, framkvæmdastjóri Framtíðarinnar. „Við reynum að skynja eftirspurnina og koma með það sem ekki er í boði á markaðnum. Þá viljum við að þjónustan okkar sé einföld og þægileg. Starfsemi okkar er eingöngu rafræn. Við styðjumst við heimasíðuna okkar og nýjungar í tækni á borð við rafræn skilríki. Svo metum við umsóknir út frá ýmsum gögnum og bjóðum upp á lán sem eru sérsniðin að aðstæðum lántaka.“
Fréttatilkynning frá Framtíðinni, 3. maí 2017
Framtíðin lánasjóður hf. hefur frá því snemma árs 2015 veitt námsmönnum framfærslu- og skólagjaldalán við góðar viðtökur. Framtíðin kynnir nú bætt þjónustuframboð og býður upp á almenn lán og húsnæðislán, samhliða því að veita áfram námslán.
Stefna félagins hefur frá upphafi verið að auka þjónustuframboð og vaxa með þarfir neytenda og þróun markaðarins í huga. Fyrst um sinn verða húsnæðislán Framtíðarinnar viðbótarlán sem henta sem viðbót við lán frá lífeyrissjóði eða banka. Almenn lán Framtíðarinnar eru óveðtryggð lán fyrir allt að eina milljón króna.
Fréttatilkynning frá Framtíðinni, 18. febrúar 2015
Framtíðin er nýr námslánasjóður sem hóf göngu sína í dag og veitir háskólanemum bæði framfærslu- og skólagjaldalán. Þetta kemur fram í tilkynningu frá Framtíðinni. Framtíðin er fjármögnuð í gegnum skuldabréfasjóði sem eru í stýringu hjá fjármálafyrirtækinu GAMMA.
